მეხანძრე-მაშველები ფონიჭალაში ნანგრევებიდან სამი წლის გოგონას, პატარა თაიას ნანგრევებიდან ამოყვანის მომენტს იხსენებენ. ამის შესახებ მაშველებმა “პირველ არხთან” ისაუბრეს.
„გაკვირვებულები ვიყავით, როგორ შეძლო ამდენი ხანი, როგორ გაძლო. როდესაც მუშაობა დავიწყეთ, მამაკაცი დარბოდა და მე მგონი თაიას მამა იყო, რომელიც იძახდა, დავიღუპეო. ძალიან ემოციური იყო თითოეული ჩვენგანისთვის. თაია იყო პირველ სართულზე, ოთხი სართულის ნანგრევების ქვეშ მოყოლილი. ხემასალა ჰქონდა, ბეტონის ნამტვრევები და სავარძელსა და კედელს შორის იყო ჩაჭედილი. თაიას ფეხი გამოჩნდა ნაწილობრივ. როდესაც ფეხზე მოვკიდეთ ხელი, ძალიან მცირედით გაგვიმოძრავა ფეხი.
ეს ჩვენთვისაც ცოტა დაუჯერებელი მომენტი იყო ამდენი ხნის მერე. ფეხის მერე გამოჩნდა სრულად მეორე ფეხი, მერე ტანის ნაწილი და მარცხენა ხელი, რომელშიც ის ეგრეთ წოდებული თმის სამაგრი ჰქონდა, მუჭში ეჭირა. მერე თავის ნაწილი გამოვუთავისუფლეთ უკვე, რომელიც დაფარული ჰქონდა ცელოფნის პარკით და მარტო ცხვირით ახერხებდა სუნთქვას. როდესაც პირი გამოვუსუფთავეთ, მაშინ წამოიტირა ცოტა ხნით ისიც და შემდეგ დავამშვიდეთ და უკვე გყავდა კონტაქტზე, უბრალოდ შეშინებული იყო ამდენი ხნის მერე, კანკალებდა, თრთოდა…“
