ყოფილი პარლამენტარი ირაკლი მელაშვილი სოციალური ქსელით თურქეთის საპრეზიდენტო არჩევნებში „ქართული ოცნების“ წარმომადგენლების მხრიდან მოქმედის პრეზიდენტის, რეჯეფ ტაიფ ერდორანის გულშემატკივობას გამოეხმაურა.
„სადამდე შეიძლება მიგიყვანოს კაცი თუ სახელმწიფო პროპაგანდამ, თუ მონობამ, თუ ხელისუფლისთვის ერთგულების მტკიცებამ! “ოცნების” ზოგიერთი მომხრის პოსტებს ვკითხულობ და ერდოგანს გულშემატკივრობენ! რათა შვილო, რათა? აი იმ ერდოგანს, ყველა მართლმადიდებელი ქრისტიანისთვის წმინდა ადგილას, აი სოფიაში, რომ მეჩეთი გახსნა, იმას გულშემატკივრობთ ხომ? თქვე ფარისევლებო თქვენა! ისლამისტს ხომ, თქვე “მართლმადიდებლებო” თქვენა!
ვაიიი, რა ცოდვები ხართ ღმერთო, ასეთები!
P.S. ისე, ერთი ოცნების დამფუძნებლისთვის მოგასმენინათ, რას ამბობდა! თქვე ბრიყვებო თქვენა!“ , – წერს მელაშვილი.
შეგახსენებთ, არჩევნების საბოლოო შედეგები 19 მაისს გამოქვეყნდება. ამ ეტაპზე დათვლილი ხმების მიხედვით, ერდოღანი პირველ ადგილზეა, თუმცა სავარაუდოდ, თურქეთში მეორე ტური გაიმართება.
რაც შეეხება საპარლამენტო არჩევნებს, იქ ერდოღანის კოალიციამ 60 მანდატიდან 322 მიიღო.