შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლებმა არასრულწლოვანთა ტრეფიკინგის ბრალდებით ერთი პირი დააკავეს. ინფორმაციას შსს ავრცელებს.
ბრალდებული საკუთარ არასრულწლოვან შვილებს, ფსიქოლოგიური და ფიზიკური ძალადობის გამოყენებით, მოწყალების თხოვნის გზით თანხის შეგროვებას და მისთვის გადაცემას აიძულებდა.
შშს-მ ბრალდებულისა და ბავშვების დედის აუდიოჩანაწერი გაავრცელა, სადაც ჩანს, რომ მამაკაცი დედას შვილის მოკვლით ემუქრება.
“მეორედ დაილაპარაკებ და მოგიკლავთ შვილს, რომელიც მოიკაზე გიზის… შენს შვილს თვალით ვეღარ ნახავ, რამდენიც გაქვთ მოსატანი მოიტანთ იმდენს, გასაგებია თუ არა?”, – მიმართავს ბრალდებული ბავშვების დედას.