“რობერ შუმანის სახელობის ევროპული სასწავლებელი” სამწუხარო ინფორმაციას ავრცელებს:
“დღეს დიდი ტრაგედია დაგვატყდა თავს… გარდაიცვალა ჩვენთვის ძვირფასი, სიცოცხლით სავსე, სიცოცხლეზე შეყვარებული თანამშრომელი… ძნელია, თვალი გავუსწოროთ ამ შემზარავ ამბავს. ჯერ კიდევ წარმოუდგენელია მისი სიცხადე… ვეიკო ხომ ახლა იწყებდა ცხოვრებას…თითქოს ჯერ ყველაფერი წინ ჰქონდა…ენთუზიაზმითა და შემართებით უდგებოდა ყველა საქმეს, ბავშვებსაც განსაკუთრებულად უყვარდათ იგი…
დღეს კი ყველა აგვატირა მისმა უდროოდ გარდაცვალებამ. ფერი იცვალა ჩვენმა ფერადმა გოგომ და იმქვეყნიურ სამყოფელში გადაინაცვლა… ჩვენ კი ნუგეშად მხოლოდ იმის ფიქრი დაგვიტოვა, რომ ყველაფერში სიკეთისა და სიყვარულის დამნახავი ვეიკო იქ ცათა სასუფეველს ღირსეულად დაიმკვიდრებს…
ვიზიარებთ ვეიკოს ოჯახის მწუხარებას. გამძლეობას ვუსურვებთ მათ და თანავუგრძნობთ ამ დიდ განსაცდელს”