1 – 4, 20 – 31 მაისი – მზარდი მთვარის ფაზა
ამ დღეებში ყველაფერი გამოგივათ და თქვენი ყოველი წამოწყება წარმატებული და იღბლიან იქნება. ამიტომაც, თუ დიდი ხანია, საკუთარი ბიზნესის დაწყებას, საქმის განვითარებას, ახალი ცოდნის მიღებას, საკუთარი თავის გარდაქმნას, მნიშვნელოვანი გადაწყვეტილებებისა და მოლაპარაკებების წარმართვას გეგმავთ, ეს დღეები შესანიშნავია. დიდ ენერგიას იგრძნობთ და ნახავთ, რომ ახლა იმაზე მარტივად გამოგდით ყველაფრის გაკეთება, ვიდრე სხვა პერიოდში. კარგი შანსი გაქვთ, თქვენი ნიჭი, შესაძლებლობები, უნარები გამოავლინოთ და საზოგადოების წინაშე საკმაოდ თავდაჯერებულად წარსდგეთ.
5 მაისი – სავსე მთვარე
ეს დღე დასვენებისთვის გამოიყენეთ და დრო ოჯახის წევრებთან და მეგობრებთან ერთად გაატარეთ. წაიკითხეთ წიგნი, მიირთვით გემრიელი ჩაი, ჩართეთ საყვარელი მუსიკა. ეს დღე სხვადასხვა ინფორმაციის შესაგროვებლად შესანიშნავია. რაც მთავარია, გაგიჩნდებათ სურვილი, რომ საკუთარ ფიქრებს, სურვილებსა და მისწრაფებებს კიდევ უფრო მეტად ჩაუღრმავდეთ და სწორი დასკვნები გამოიტანოთ. შესაძლოა, აღმოაჩინოთ, რომ თქვენს ცხოვრებაში გარდაუვალი ცვლილებების დრო მოვიდა!
6-18 მაისი – კლებადი მთვარის ფაზა
ეს პერიოდი მოგზაურობისა და ახალი ადგილების აღმოჩენისთვის იდეალურია. წადით პარკში, ბუნებაში, მოინახულეთ მუზეუმი, სხვადასხვა დაწესებულება, ისეირნეთ ქალაქის ქუჩებში. ასტროლოგების თქმით, ეს ძალიან დიდ შთაგონებას მოგცემთ და შესაძლოა, ამ პერიოდში გაგიჩნდეთ იდეები, რომლებიც სამომავლოდ წარმატებისკენ მიგიყვანთ. დარგეთ მცენარეები. ითვლება, რომ ეს პროცესი განახლებასთან, სიცოცხლის გააქტიურებასთანაა ასოცირებული და ენერგია თქვენზეც გადმოვა.
19 მაისი – ახალი მთვარე
ამ დღეს იღბალი აუცილებლად გაგიღიმებთ. სამსახურთან დაკავშირებული პრობლემები მოგვარდება, პირად ცხოვრებაში არსებული უსიამოვნებებიც ნელ-ნელა მოწესრიგდება და თავს მშვიდად იგრძნობთ. ასევე, ეს დღე შემოქმედებითი აქტივობებისთვისაც იდეალურია. თქვენი ნებისმიერი ფინანსური ინიციატივა წარმატებული იქნება. ყველა შანსი გაქვთ, მიიღოთ ის, რაზეც დიდი ხნის განმავლობაში ოცნებობდით.
წყარო – “ბომონდი”