ლუნდის უნივერსიტეტის მედიცინის ფაკულტეტის პროფესორი აქონდროპლაზიის სინდრომის მქონე ბავშვების მშობლებს სოლიდარობას უცხადებს და სამკურნალო პრეპარატის, ვოსორიტიდის შესახებ წერს:
,,ჩემი სოლიდარობა და მხარდაჭერა მშობლებს! Voxzogo (Vosoritide) აღიარებულია ევროკავშირის, აშშ-ს და იაპონიის რეგულატორების მიერ ბავშვებში ქონდროპლასტიის სამკურნალოდ. სხვა რა მტკიცებულაბაა საჭირო ჯანდაცვის სამინისტროსთვის, მართალი გითხრათ, ვერ ვხვდები”.
ბატონმა ზაალმა გიორგი თარგამაძის გადაცემაში ამ პრეპარატის შესახებ კიდევ ერთხელ ისაუბრა და განაცხადა, რომ ის შვედეთში დამტკიცებულია სახელმწიფოს მიერ და მას უფასოდ იღებენ 18 წლამდე ბავშვები.
-ძალიან მნიშვნელოვანია ის, რომ ამერიკამ დაჩქარებული წესით მიიღო ეს პრეპარატი, რაც მის გამოყენების საჭიროებაზე და სარწმუნოებაზე მიუთითებს… ამ პრეპარატის უსაფრთხოება და ეფექტურობა შემოწმდა დეტალურად ჩატარებულ და სარწმუნო ე.წ. მესამე ფაზის კლინიკურ კვლევაში. მისი გვერდითი ეფექტები დადებითთან შედარებით მინიმალურია. ეს პრეპარატი არა მარტო ხელს უწყობს ზრდას, არამედ ამსუბუქებს სიმპტომებს, რაც ძალიან მნიშვნელოვანია.
შვედეთში ეს პრეპარატი დარეგისტრირებულია, გაყიდვაშია. შვედეთის ტერიტორიაზე შვედეთის მოქალაქეებისთვის 18 წლამდე ბავშვების ნებისმიერი მკურნალობა არის უფასო და სახელმწიფო დაზღვევა აფინანსებს ამას სრულად.
წყარო:სარკე