რუსეთში, კემეროვოს რაიონის სოფელ შაბანოვას მაცხოვრებლებმა დაკრძალეს თავიანთი ნათესავი, რომელიც კორონავირუსით დაავადდა. მოგვიანებით აღნიშნულ პირებს შეატყობინეს, რომ მაამაკაცი ცოცხალი იყო. ამის შესახებ ინფორმაცია კუზბასის ჯანდაცვის უწყების ხელმძღვანელის მოადგილემ იულია ბრეჟნევამ ამცნო საზოგადოებას. ინფორმაციას LENTA.RU ავრცელებს.
მაღალჩინოსანი სამედიცინო მუშაკის განცხადებით, მომხდარ ფაქტთან დაკავშირებით უწყება აწარმოებს გამოძიებას. კუზბასის ახალ ამბებში 10 ნოემბერს გავიდა სიუჟეტი სოფლის იმ მაცხოვრებლებზე, რომელთაც ცოცხალი პენსიონერის დამარხეს. მათ პაციენტის გარდაცვალების შესახებ კი საავადმყოფოდან აცნობეს ექიმებმა.
მას შემდეგ რაც დაკრძალვა შედგა და კუბოში ჩაწვენილ მამაკაცს მიწა მიაყარეს, რამდენიმე დღის შემდეგ ოჯახის წევრებს დაურეკეს იმ მოხუცთა სამედიცინო ცენტრიდან, სადაც კოვიდ ინფიცირებული მოხუცი ცხოვრობდა მკურნალობის პერიოდში. სამედიცინო უწყების წარმომადგენლებმა გარდაცვლილის ნათესავებს განუცხადეს, რომ მამაკაცი ცოცხალი და სრულიად ჯანმრთელი იყო.
მოგვიანებით გაირკვა, რომ კოვიდინფიცირებულთათვის მოწყობილი მოხუცთა სამედიცინო ცენტრიდან ზემოხსენებული მამაკაცი გაწერეს ცოცხალი, თუმცა მას თან სხვა პასპორტი გაატანეს.
„ნიუპოსტი“