ყვარელში 24 წლის მამაკაცს ამ დრომდე ეძებენ. ლევან დოლენჯაშვილი სოფელ საცხენეს მაცხოვრებელია.
ოჯახის წევრების ინფორმაციით, მას 8 აპრილის შემდეგ მობილური ტელეფონი გამორთული აქვს. საქმეში ჩართულია პოლიცია და სამაშველო სამსახური, მათთან ერთად მამაკაცს ეძებენ ადგილობრივებიც.
როგორც ახლობლები ამბობენ, ბოლოს ლევანი მეგობრებთან ერთად ახალსოფლის ტყეში ქეიფობდა, რის შემდეგაც მისი კვალი გაუჩინარდა.
მეგობრები კონფლიქტს გამორიცხავენ. არსებობს მეორე ვერსიაც, რის მიხედვითაც 9 აპრილს დოლენჯაშვილი ისნის ტერიტორიაზე შენიშნეს, საგამოძიებო უწყება ამ მიმართულებითაც მუშაობს.