პოლიტიკოსი ზურაბ ჭიაბერაშვილი სოციალურ ქსელში პოსტს აქვეყნებს და წერს, რომ მარტში, თბილისში გამართული აქციების დროს დაკავებულ მონაწილეს ლაზარე გრიგორიადისს თმა გადაპარსეს.
“თმა გადაპარსეს ლაზარეს.” – წერს ჭიაბერაშვილი
გრიგორიადისის ადვოკატის თქმით მას თმა მისი ნების საწინააღმდეგოდ გადაპარსეს, რაც უფლებადამცველს პატიმრის უფლების შელახვად მიაჩნია.
შეგახსენებთ, მარტის აქციების ერთ-ერთ მონაწილეს, ლაზარე გრიგორიადისს პატიმრობა შეეფარდა.
მას სამართალდამცავებისთვის „მოლოტოვის კოქტეილის“ სროლას ედავებიან.
გრიგორიადისს ასეევ ბრალდება, რომ მან, თითქოს, ცეცხლი წაუკიდა შსს-ის ავტომანქანას. მას 7-დან 11 წლამდე თავისუფლების აღკვეთა ემუქრება.