ამ გოგონებს უკვე ბევრი იცნობს. ჯერ კიდევ 2022 წლის ოქტომბერში გამოქვეყნდა პოსტი სოციალურ ქსელში, ჯგუფში “ვეძებ“, რომ 20 წლის ტყუპმა დამ ერთმანეთი იპოვა. კირცხის სამშობიაროში დაბადებული ტყუპი და ბიოლოგიურ მშობლებს ეძებდა.სხვადასხვა ოჯახში გაშვილებულმა ანო სართანიამ და თამარ ხვიტიამ, რომელთა ნამდვილი გვარი გახარია აღმოჩნდა, დღეს ჯგუფის დამაარსებელ თამუნა მუსერიძესთან ერთად ისაუბრეს ყველაფერზე, რაც გამოიარეს.
გოგონების თქმით, მათ მშობლებს სამი შვილი ჰყავდათ, როცა დედა მათზე დაორსულდა. მამამ ეჭვიანობის ნიადაგზე გადაწყვიტა, რომ მომავალი შვილები მისები არ იყვნენ და ახალნამშობიარები ქალი იძულებით დააბრუნა სახლში ბავშვების გარეშე, ბავშვები კი, გოგონების თქმითვე, მისი თანხმობით გააშვილეს სხვადასხვა ოჯახში. გოგონები იმასაც ამბობენ, რომ მამამ იცოდა მათი ადგილსამყოფელი და პერიოდულად ხედავდა კიდეც ახლომდებარე ქალაქში გაშვილებულ ერთ-ერთ გოგონას.
დები ამბობენ, რომ მათზე მშობიარობის შემდეგ მათ დედას დიდი წნეხის და ზეწოლის გადატანა მოუწია და საბოლოოდ ქმრის ოჯახი დაატოვებინეს, ღალატის ბრალდებით. თუმცა სულ ახლახან გაკეთებულმა გენეტიკურმა ტესტმა ოფიციალურად დაადასტურა, რომ გოგონები ნამდვილად თავისი მეუღლისგან გააჩინა მათმა დედამ.
უფრო დაწვრილებით კი გოგონები ამის შესახებ ვიდეოში საუბრობენ:
