პედაგოგი ლადო აფხაზავა სოციალურ ქსელში ახალ პოსტს აქვეყნებს.
მისი თქმით, ქართველმა მასწავლებლებმა უკრაინაში ომის გარდაცვლილ ბავშვებს კიევში სანთლები დაუნთეს.
„518 ბავშვი გარდაიცვალა უკრაინაში ომის შედეგად, სწორედ ამიტომაც ქართველმა მასწავლებლებმა უკრაინის დედაქალაქში 518 სანთელი დაანთეს. მკვდარ ხეზე გარდაცვლილი პატარების ნივთები , სათამაშოებია გამოფენილი. ხე არასდროს აყვავდება და სათამაშოსაც არასდროს გამოიყენებენ პატარა ხელები. მეტი არაფერი შეგვიძლია ქართველ მასწავლებლებს, მხოლოდ ლოცვის აღვლენა და მოგონება თეთრ მტრედებად გადაქცეული პატარების.
მადლობა ქართველ მასწავლებლებს გაერთიანებისთვის. ჩვენ ერთად ბევრი რამ შეგვიძლია. არ უნდა დაგვავიწყდეს, ეს ჩვენი ომიცაა. დიდება უკრაინას“ , – წერს ის.