ტელესახე და საზოგადოებასთან ურთიერთობის სპეციალისტი ხატია შამუგია ჟურნალი “გზის” რუბრიკის მონაწილეა, სადაც ცნობილ ფრაზებსა და აფორიზმებზე საკუთარ აზრს გამოთქვამს.
“ქვრივად დარჩენა სჯობია ზარმაცი კაცის ყოლასა“ – ამ აფორიზმზე ხატიამ შემდეგნაირად უპასუხა:
“ქვრივად დარჩენას არავის ვუსურვებ, მაგრამ უვარგისი კაცის ცოლობას მარტოობა სჯობს. ამ აფორიზმს ასე შევცვლიდი: “მარტო დარჩენა სჯობია, ზარმაცი კაცის ყოლასა“. რამდენ ადგილას ვმუშაობ და ვერ წარმომიდგენია, რომ ყოველდღე ვდგებოდე, სამსახურში მივდიოდე და ამ დროს ჩემი ქმარი საწოლში კოტრიალობდეს”, – ამბობს ხატია.
ტელესახე ოჯახზე იშვიათად
საუბრობს, თუმცა ბოლო სატელევიზიო ინტერვიუს დროს განაცხადა, რომ მეორე ნახევარს ხშირად ვერ ნახულობს.
“ორ თვეში ერთხელ ჩამოდის მეუღლე, სულ ცხელია ურთიერთობა და ეს მომწონს. მგონია, რომ 366 დღე, სულ ერთად რომ იღვიძებ და იძინებ, რაღაცები ნელდება“, – ამბობს ხატია.
ცნობისთვის, ხატიამ ერთი წლის წინ აღიარა, რომ ახალი რჩეული იპოვა, რომელიც ირლანდიაში ცხოვრობს. როგორც ცნობილია, წყვილი ერთმანეთს ბავშვობიდან იცნობს. ხატიამ სიყვარულის პოვნის შემდეგ აღნიშნა, რომ შეყვარებულია და თავს ბედნიერ ქალად გრძნობს.
ხატიას თქმით, მეუღლესთან ირლანდიაში გამგზავრებას მალე აპირებს.
წყარო: ჟურნალი “გზა”