თხის რქა
თხის რქის ნიშნის წარმომადგენლებისთვის მთავარი იარაღი შინაგანი ძალა, რკინის ხასიათი და საღი აზრია, რომელიც მათ არასოდეს ტოვებს. როგორც წესი, პანიკაში არ ვარდებიან და ნებისმიერ გამოწვევას დიდი პასუხისმგებლობითა და სიმტკიცით ხვდებიან. მათ საოცარი გამძლეობის გამოვლენა შეუძლიათ. მუდმივად ცდილობენ განვითარებას და საკუთარი გეგმებისკენ ნაბიჯ-ნაბიჯ მიდიან ისე, რომ დამარცხებისა და წარუმატებლობის არ ეშინიათ. აქვთ ძლიერი ინტუიცია და შეუძლიათ, რისკები თუ შედეგები წინასწარ წარმოიდგინონ. შესაძლოა, ზოგჯერ მათი გადაწყვეტილება სხვებს სრულიად არალოგიკურად მოეჩვენოთ, მაგრამ დროთა განმავლობაში ყველა ხვდება, რომ ეს ადამიანები შორსმჭვრეტელები არიან და ზუსტად იციან, რას აკეთებენ.
ლომი
ზოდიაქოს ამ ნიშნის წარმომადგენელი ქალების მთავარი ძალა დამოუკიდებლობასა და შეუპოვრობაშია. ისინი არასოდეს იქნებიან ახლოს სუსტ პარტნიორთან და ამიტომ ყოველთვის წარმატებულ, პერსპექტიულ და აქტიურ მამაკაცებს იზიდავენ. მათ მწვერვალების დაპყრობა შეუძლიათ და მუდმივად ვითარდებიან. გარდა იმისა, რომ საოცარი უნარი აქვთ, საკუთარი თავი წარმოაჩინონ, ლიდერის პოზიცია საკმაოდ თავდაჯერებულად მოირგონ და საქმეები ეფექტურად შეასრულონ, ასევე ამ ენერგიას ირგვლივ მყოფებსაც გადასცემენ. ამიტომაც, ზოდიაქოს ამ ნიშნის წარმომადგენელი ქალების გვერდით წარმატებული ადამიანები არიან, რადგანაც ისინი სხვებსაც უბიძგებენ, განვითარდნენ და მიღწეულ შედეგს არ დასჯერდნენ.
მორიელი
მორიელი ქალები მიზანდასახულები, ძლიერები, შეუპოვრები და მტკიცე ხასიათის მქონე ადამიანები არიან. ისინი ზუსტად ხვდებიან, ვინაა მათ წინააღმდეგ და როგორც წესი, ყველა მტერს გზიდან დაუნდობლად იშორებენ. იციან, როგორ უნდა მიაღწიონ წარმატებას და ბრძოლას შუა გზაში არასოდეს წყვეტენ. საჭირო დროს საოცარ ნებისყოფასა და სიმტკიცეს ავლენენ და ყალბ ადამიანებთან ურთიერთობას გაურბიან. თუმცა, მორიელი ქალები საყვარელი ადამიანებისათვის მზად არიან, ყველაფერი გააკეთონ. ისინი ძალიან ხშირად წარმატებულები არიან, დამოუკიდებლად ასრულებენ საქმეებს და სხვებს არ აძლევენ უფლებას, მათზე გავლენა მოახდინონ.
წყარო – “ბომონდი”