კურო
ასტროლოგების თქმით, ზოდიაქოს ამ ნიშნის წარმომადგენლებს გაზაფხულზე ფინანსურად განსაკუთრებით გაუმართლებთ და მნიშვნელოვანი დანაზოგის შექმნას შეძლებენ. წინ დიდი ცვლილებები გელოდებათ. მომდევნო თვეებში ყველაზე გაბედულ ნაბიჯებს გადადგამთ და თქვენი ოცნებების ასასრულებლად კონკრეტულ გეგმას გაწერთ. შესაძლოა, ზოგიერთმა თქვენგანმა გადაწყვიტოს, რომ მიუბრუნდეს საქმეს, რომელიც წარსულში დატოვა და ამისგან ნახოს ფინანსური სარგებელი, ან კიდევ წამოიწყოთ ახალი ბიზნესი, დაწინაურდეთ სამსახურში, აითვისოთ სხვა პროფესია და შემოსავალი გაიზარდოთ. გჯეროდეთ საკუთარი თავისა და შესაძლებლობების. ახლა სამყარო ყველა გზას გიხსნით, რომ წარმატების განსხვავებულ საფეხურზე გადახვიდეთ და მნიშვნელოვანი სარგებელი ნახოთ.
მშვილდოსანი
ზოდიაქოს ამ ნიშნის წარმომადგენლები გადაწყვეტენ, რომ გაზაფხულზე საკუთარი თავი გარდაქმნან და ყველა ის დაფარული ნიჭი თუ შესაძლებლობა საჯაროდ გააზიარონ. თქვენი ნებისმიერი მცდელობა დაფასდება, ეს კი ფინანსურ მდგომარეობაზეც აისახება. მომდევნო თვეებში შეძლებთ, რომ შემოსავალი საგრძნობლად გაიზარდოთ, იპოვოთ ახალი საქმე ან უკვე დაწყებული განავითაროთ. მთავარია, რომ მიზნისკენ მიმავალ გზაზე ხელი არ ჩაიქნიოთ და არ დანებდეთ. წინ ბევრი წარმატებული და ბედნიერი დღე გელით.
მერწყული
ასტროლოგების თქმით, მერწყულებისთვის გაზაფხული იმდენად წარმატებული და მომგებიანი იქნება, რომ ისინი ძველი ოცნებების ასრულებასა და მნიშვნელოვანი შესყიდვების განხორციელებას შეძლებენ. მომდევნო თვეებში წინსვლის ძალიან დიდი შესაძლებლობა გაქვთ. თქვენი ნებისმიერი გადაწყვეტილება, რომ გაიაროთ სხვადასხვა კურსი, დაესწროთ მასტერკლასებს, წამოიწყოთ ახალი საქმე, ან დამატებითი პროფესია შეითავსოთ, დაფასდება და ფინანსურ წარმატებას მოგიტანთ. შეძლებთ მნიშვნელოვანი დანაზოგის გაკეთებასაც და სამომავლოდ კარგ პერსპექტივას შეიქმნით.
წყარო – “ბომონდი”
2,340 ნახვა
