🎥 VIDEO: “ატო დაგვიბრუნდა” – დავით ქაცარავამ თავდასხმისას დაკარგული ძაღლი იპოვა

ანტისაოკუპაციო მოძრაობის ლიდერი, დავით ქაცარავა სოციალურ ქსელში ახალ პოსტს აქვეყნებს.

ქაცარავას თქმით, მისი დაკარგული ძაღლი, ატო, დაიბრუნა.

„ატო დაგვიბრუნდა.
ამ დღეების განმავლობაში უამრავი ადამიანი გვწერდა, გვიგზავნიდა ფოტოებს, წუხდა ჩვენთან ერთად ატოს დაკარგვას.
დღეს გაგვიმართლა – ანანო სავანელმა დაგვირეკა და ეს ხომ არ არის თქვენი ატოო…
უდიდესი მადლობა ყველას კიდევ ერთხელ.
ატო დაბრუნდა“ , – წერს ის.

შეგახსენებთ ქაცარავას 4 დღის წინანდელ პოსტს, სადაც ის ატოს დაკარგვაზე წერდა:

„მეგობრებო!
გუშინ, მას შემდეგ რაც ალტინფოს საჩმორეთი თავს დაესხა ჩემს მეუღლეს და შვილს, დაულეწეს მანქანა, ჩამტვრეული შუშიდან გადმოხტა ჩემი ატო, გერმანული ნაგაზი.
სამწუხაროდ, დღემდე ვერ ვპოულობთ.
უმორჩილესი თხოვნა მაქვს, იყოთ ყურადღებით და თუ სადმე მოკრავთ თვალს, შემეხმიანოთ.
ატო დაიკარგა საბურთალოს ტერიტორიაზე.
წინასწარ დიდი მადლობა“ .