პარლამენტის წინ, სადაც ჰომოფობიური და პრორუსული პოლიტიკური პარტია “კონსერვატიული მოძრობის” ლიდერები მართავენ აქციას, ევროკავშირის დროშა ჩამოხსნეს. რუსთაველის გამზირზე შეკრებილებს სურდათ, სანაცვლოდ საქართველოს დროშის დაკიდება, რასაც ხელი შეუშალა ადგილზე მისულმა რამდენიმე პოლიციელმა. მათ “ალტ-ინფოს” ერთ-ერთი ლიდერი, ზურაბ მახარაძე გაიყვანეს.
აქციიდან გავრცელდა ერთ-ერთი კადრი, სადაც ჩანს დემონსტრანტი, რომელსაც ამოყირავებული ხატი უჭირავს ხელში. უცნობია განზრახ აქვს თუ არა ხატი ამოყირავებული, თუმცა მათი ქმედებები საზოგადოების აღშფოთებას იწვევს. ასევე მათმა ქცევამ ქრისტიანული მრევლი არაერთხელ გააღიზიანა.
