მარტვილის მუნიციპალიტეტის ერთ-ერთ სოფელში შვილმა დედა მოკლა.
“ინტერპრესნიუსის” ინფორმაციით, 86 წლის ქალს საკუთარმა შვილმა დაზიანება ნაჯახით მიაყენა, რის შემდეგაც ქალი გარდაიცვალა.
არსებული ცნობით, პენსიონერ დედას შვილი ფულს სთხოვდა. სწორედ აქედან დაიწყო მათ შორის კონფლიქტი.
შსს-ს ინფორმაციით, ეჭვმიტანილი უკვე დაკავებულია და მომხდარზე გამოძიება სისხლის სამართლის კოდექსის 109-ე მუხლის “კ” ქვეპუნქტით მიმდინარეობს, რაც დამამძიმებელ გარემოებებში ოჯახის წევრის განზრახ მკვლელობას გულისხმობს.