ყოფილი პარლამენტარი, ხათუნა ხოფერია სოციალურ ქსელში წერს, რომ საქართველომ გაიმარჯვა და “მაიდანი” არ იქნება.
“აი, ასეა გაყოფილი დღეს საქართველო!
ისინი, ვისთვისაც საქართველოს დროშა მიწაზე უნდა ეგდოს და ისინი, ვინც ამ დროშას მუხლს უყრიან!
დღეს მე ვარ მშვიდად და ამაყად, რომ ჩემი სახელმწიფო დაცულია!
ერთმა მეგობარმა ჩინური სიბრძნე მომწერა:- როდესაც შენ სჯობნი მტერს, ხარ მძლე! როდესაც შენ პარალელურად სჯობნი შენ თავს – ხარ მძლეთამძლე!
დიახ, დღეს ჩვენ ვაჯობეთ მტერს და ვაჯობეთ ჩვენ ამბიციას ძალის დემონსტრირების!
ჩვენ გავიმარჯვეთ ღირსეული თავმდაბლობით!
წინ სამშობლოს გადასარჩენად!
ომი არ იქნება! შესაბამისად, არც მაიდანი!
რუსთაველიც დასუფთავდება, კედლებიც გადაიღებება, ნამწვიც გაყვება მტერთა დაფერფლილ იმედებს! კელიც წავა, სალომეც აღარ იქმება, მიშაც მოიხდის სასჯელს, ნაცმაცუნებიც დაუბრუნდებიან პოლიტიკურ სანაგვეს, ბავშვებიც აღარ აეფარებიან ვაშაძეს ლეღვის ფოთოლივით! ყველაფერი იქნება კარგად!
სამშობლო კი იქნება მარადიული, როგორც ღმერთი, როგორც სიყვარული, როგორც სიკეთე!
საქართველო უპირველეს ყოვლისა!”, – წერს ხოფერია.
შეგახსენებთ, რომ „უცხოური გავლენის გამჭვირვალობის შესახებ“ კანონპროექტი, რომელიც პარლამენტმა 7 მარტს პირველი მოსმენით მიიღო, საზოგადოების პროტესტის შედეგად, დეპუტატებმა დღეს, 10 მარტს მეორე მოსმენით ჩააგდეს.