აჭარის პროფკავშირების გაერთიანება სამწუხარო ინფორმაციას ავრცელებს. ხანმოკლე ავადმყოფობის შემდეგ გარდაიცვალა, პროფესიული კავშირების აჭარის რესპუბლიკური გაერთიანების გამგეობის წევრი, საქართველოს თვითდასაქმებულთა და ვაჭრობის სფეროში მომუშავეთა პროფესიული კავშირის აჭარის რესპუბლიკური საბჭო თავმჯდომარე, ნაზი (ნადეჟდა) ბეჟანიძე.
“ნაზი ბეჟანიძე დაიბადა უკრაინაში სერგო ბეჟანიძის და სოფია ოსტროვსკაიას ოჯახში. 1959 წელს ოჯახი საცხოვრებლად გადმოვიდა ქალაქ ბათუმში და ბათუმის მე – 13 საშუალო სკოლის დამთავრების შემდეგ იგი ჩაირიცხა პოლიტექნიკურ ინსტიტუტში
პოლიტექნიკური ინსტიტუტის დამთავრების შემდეგ, 1969 წელს ნაზი ბეჟანიძემ მუშაობა დაიწყო აჭარის საყოფაცხოვრებო მომსახურების სამინისტროში უფროს ინჟინრად, შემდგ ტრესტის დირექტორად დაწინაურდა, მოგვიანებით კი დაინიშნა აჭარის ა.რ. ვაჭრობის სამინისტროში საზკვების განყოფილების უფროსად.
1976 წელს ნაზი ბეჟანიძე მუშაობას იწყებს აჭარის პროფკავშირებში სადაც იღვაწა 45 წლის განმავლობაში, პარალელურად საზოგადოებრივ საწყისებზე ხელმძღვანელობდა ასევე, აჭარკოოპკავშირს.
სრულიად ახალგაზრდამ თავისი ბედი დაუკავშირა ჯემალ წულუკიძეს, აჭარის ა.რ. ფინანსთა მინისტრის მოადგილეს, შექმნეს ტრადიციული ქართული ოჯახი და აღზარდეს ორი ვაჟი.
ნაზი ბეჟანიძე გამოირჩეოდა პრინციპულობითა და აქტიურობით, მან უდიდესი წვლილი შეიტანა აჭარაში პროფკავშირული მოძრაობის განვითარებაში. განსაკუთრებით მნიშვნელოვანი იყო მისთვის 2004 წელი, რა დროსაც, სადაც მისი უშუალო მონაწილეობით აჭარის გაერთიანება გარდაიქმნა თანამედროვე პროფკავშირულ მოძრაობად.
ნაზი ბეჟანიძე დაჯილდოებულია სხვდასხვა მედლით, მრავალგზის არჩეული იყო საკავშირო და რესპუბლიკური ორგანიზაციების ყრილობების დელეგატად.
პროფკავშირებში ხანგრძლივი და ნაყოფიერი საქმიანობისათვის, ნაზი ბეჟანიძე დაჯილდოებულ იქნა აჭარის პროფკავშირების გაერთიანების საპატიო სიგელით.
7 მარტს ქალბატონ ნაზის ჩაქვში მშობლიურ მიწას მიაბარებენ, სადაც განისვენებენ მისი საყვარელი ადამიანები.
პროფესიული კავშირების აჭარის რესპუბლიკური გაერთიანება, მისი წევრი ორგანიზაციები, პირველადი პროფკავშირული კომიტეტები და პროფკავშირის რიგითი წევრები, გემშვიდობებით ქალბატონო ნაზი უფალს ვთხოვთ ნათელში ყოფილიყოს თქვენი სული”