კორონავირუსის შემთხვევათა ზრდის მიუხედავად, პრემიერ გიორგი გახარიას განცხადებით, უმაღლეს სასწავლებლებში სასწავლო პროცესი 19 ოქტომბრიდან განახლდება.
მისივე თქმით, სასწავლო პროცესის დროს აუცილებელი იქნება დისტანციის დაცვა და რეკომენდაციების გათვალისწინება.
“უმაღლეს სასწავლებლებში სწავლა უნდა დაწყებულიყო 19 ოქტომბრიდან და ეს გადაწყვეტილება რჩება ძალაში. უმაღლეს სასწავლებლებს ექნებათ რეკომენდაცია, რომ სადაც შესაძლებელია, იყოს დისტანციური სწავლება. მაგრამ სადაც შესაძლებელი არ არის ლაბორატორიული და პრაქტიკული მეცადინეობები ჩაატარონ აუდიტორიებში”, – განაცხადა გიორგი გახარიამ.