“რომაული გამომცემლობა ხვიჩა კავარაცხელიაზე წიგნს გამოსცემს” – ნახეთ, რა სასიხარულო ინფორმაციას ავრცელებს გიორგი კეკელიძე

წიგნს ხვიჩა კვარაცხელიაზე, სახელად – ,,ხვიჩა, ვარსკვლავი სახელად ვარსკვლავი” რომაული გამომცემლობა Aletti Editore გამოსცემს.

ავტორი გიორგი კეკელიძე იქნება, რომელმაც იტალიურ  Aletti Editore-თან უკვე გააფორმა ხელშეკრულება.

“ესეც, ასე – კონტრაქტი გაფორმებულია.

წიგნს ხვიჩა კვარაცხელიაზე, სახელად – “ხვიჩა, ვარსკვლავი სახელად ვარსკვლავი” რომაული გამომცემლობა  Aletti Editore  გამოსცემს. ის რომ გამომცემლობა დედაქალაქის არის და არა მაინცდამაინც ნეაპოლის, მრავალმხრივ მნიშვნელოვანი ამბავია. საქართველოში გამომცემლობა არტანუჯი • Artanuji Publishing  დასტამბავს. ავტორი, მოგეხსენებათ, მე ვიქნები. წინასიტყვაობა – აკა მორჩილაძე. რედაქტორი – ზვიად კვარაცხელია. იტალიური თარგმანი – ინგა სიხარულიძე, კესა კაკალია. პროექტის პროდიუსერი – ბერიკა შუკაკიძე. კონსულტანტი, ხვიჩას მამა – ბადრი კვარაცხელია. ინტერნეტ პარტნიორი Geo Team” – წერს საქართველოს პარლამენტის ეროვნული ბიბლიოთეკის დირექტორი, გიორგი კეკელიძე სოციალურ ქსელში.