ცოტა ხნის წინ ანჯელინა გონსალვსმა ქმრის მიერ 76 წლის წინ გამოგზავნილი წერილი მიიღო.
წერილი სერჟანტმა ჯონ გონსალვსმა დედას მეორე მსოფლიო ომის დასრულების შემდეგ, 1945 წლის დეკემბერში მიწერა, თუმცა ის გზაში დაიკარგა და ადრესატამდე ვერ მიაღწია. ინფორმაციას უცხოური მედია ავრცელებს.
წერილი დეკემბერში ფოსტის თანამშრომლებმა შემთხვევით აღმოაჩინეს. რადგან წერილის ადრესატი – ჯონის დედა უკვე გარდაცვლილი იყო, ის ჯონის ქვრივს, 90 წლის ანჯელინას მიუტანეს.
წერილში ჯონი ომის შემდეგ გერმანიაში ყოფნისა და უგემური საჭმლის შესახებ წერს. ის დედას ამშვიდებს და ჰპირდება, რომ მალე ნახავს:
„ძვირფასო დედა, დღეს შენგან კიდევ ერთი წერილი მივიღე და მიხარია, რომ ყველაფერი კარგადაა. რაც შემეხება მე, კარგად ვარ, თუმცა უმეტესად საძაგელ საჭმელს გვაჭმევენ. გიგზავნი სიყვარულს და გკოცნი, შენი შვილი, ჯონი. იმედი მაქვს, მალე გნახავ”, – ვკითხულობთ წერილში. ჯონი 2015 წელს გარდაიცვალა, ამიტომ ანჯელინასთვის, რომელიც ჯონზე 61 წლის. ჯონი 2015 წელს გარდაიცვალა, ამიტომ ანჯელინასთვის, რომელიც ჯონზე 61 წლის განმავლობაში იყო დაქორწინებული და წერილის გამოგზავნის დროს მომავალ ქმარს არ იცნობდა, ეს აღმოჩენა ნამდვილად სასიამოვნო იყო.
„ასე მგონია, დამიბრუნდა. მართლა. საოცარი გრძნობაა. ის ძალიან კარგი ადამიანი იყო, ყველას უყვარდა”, – ამბობს ანჯელინა.