საქართველოში, გასული დღე-ღამის განმავლობაში COVID-19-ის 549 ახალი შემთხვევიდან, 99 თბილისში დადასტურდა.
“თბილისში ცოტა მოიმატა ინფიცირებულთა რაოდენობამ. მოსახლეობის სიმჭიდროვის გათვალისწინებით ძალიან დიდი სიფრთხილე გვჭირდება, იქნებ როგორმე გადაურჩეს თბილისი ასეთ მძიმე დატვირთვას” – განაცხადა მარინა ენდელაძემ.
საქართველოში კორონავირუსის 549 ახალი შემთხვევა გამოვლინდა და ინფიცირებულთა რაოდენობა 9245-მდე გაიზარდა.
კორონავირუსით ინფიცირების რაოდენობით აჭარა კვლავ ლიდერობს და რეგიონში ბოლო 24 საათის განმავლობაში 348 ახალი შემთხვევა გამოვლინდა.