მსახიობ ლევან აბაშიძის გულის მონადირებას არაერთი გოგონა ცდილობდა. თუმცა, ეს საქართველოში სასწავლებლად ჩამოსულმა 18 წლის ახალგაზრდამ მოახერხა. ნიჭიერმა და სიმპათიურმა მსახიობმა თავისი ცხოვრება მოლდოველ მსახიობს, მიკაელა სტრიმბეანუს დაუკავშირა, რომელიც თბილისის თეატრალურ უნივერსიტეტში სწავლობდა.
მიკაელამ და 25 წლის ლევანმა ერთად ცხოვრება გადაწყვიტეს, თუმცა აფხაზეთის ომმა მათ ბედნიერ თანაცხოვრებას წერტილი თითქმის 4 წელში დაუსვა.
1989 წელი იყო. კინოსტუდიიდან გამოსულ მიკას დიდ დიღომში ტაქსის გაჩერება სურდა, თუმცა, მეგობარმა გაუჩერა, სადაც უკანა სავარძელზე ლევანი მჯდარა. მეგობარმა ერთმანეთი გააცნო, იქვე ნომრებიც გაცვალეს.
2 თვის შემდეგ კი ერთმანეთს შეხვდნენ… შემდეგ სტუდენტურ საერთო საცხოვრებელში მიაკითხა და თავისთან წაიყვანა, სადაც სიკვდილამდე, 4 წელი ერთად ცხოვრობდნენ.
„ყოველთვის სასიამოვნო იყო მისთვის გეყურებინა, გესმინა, ჩაგეხუტებინა. მის გარშემო ყველაფერი ისეთი იყო… ისეთი შეგრძნება გქონდა, რომ რაღაც წმინდას ასხივებდა. სულ გინდოდა მიახლოებოდი, მასთან ახლოს ყოფილიყავი. ალბათ ამიტომ, ბევრ ადამიანს სურდა მისნაირი ყოფილიყო. ახალგაზრდულად, სულელურად ვეჭვიანობდი… მივხვდი, რომ ის ადამიანებს იზიდავდა. ისეთი ადამიანები, როგორიც ლევანი იყო, რეალურად, ძალიან, ძალიან ცოტაა…
ძალიან ვნანობ რომ ლევანისგან შვილი არ გავაჩინე. მქონდა ამის შესაძლებლობა, ლევანისგან ორსულად დავრჩი, მალევე, როცა გავიცანი. მაშინ დავსხედით მე, ლევანი და დედამისი და ასეთი ოჯახური გადაწყვეტილება მივიღეთ, რომ არ დაგვეტოვებინა ბავშვი. თუ ბავშვს გავაჩენდი, მაშინ სწავლისთვის თავი უნდა დამენებებინა, მე კი 4 წელი ჩემებთან უნდა დავრჩენილიყავი. ბავშვის ყოლა სამომავლოდ გადავდეთ, შემდეგ კი ომი დაიწყო და სამწუხაროდ, ლევანი გარდაიცვალა.” – გაიხსენა წლების შემდეგ მიკამ „ნანუკას შოუში“.