ჟურნალისტი, დათო ლიკლიკაძე:
“დავბრუნდით საბერძნეთიდან, სადაც ოჯახთან ერთად რამდენიმე საუკეთესო დღე გავატარე. ეს ფოტო ყველაზე მეტად გამოხატავს ჩვენი ოჯახის ერთობლიობას, რადგან ეველინის გადაღებულია. ეს მისი პირველი ფოტოა, რომელიც მშობლებს გადაუღო. არ იცით როგორ გაუხარდა როცა შევუქეთ ნაშრომი.
სალონიკი მართლაც საოცარი ქალაქია. თესალონიკი – საბერძნეთის სიდიდით მეორე ქალაქი ეგეოსის ზღვის პირას, საოცარ შთაბეჭდილებას შეგძენთ. მთელი ქალაქი თითქმის ისტორიული ნანგრევები და არტეფაქტებია.
ქალაქის სახელი იმპერატორ ალექსანდრე მაკედონელის დას უკავშირდება, რომელსაც თესალონიკი ერქვა. სწორედ მისმა მეუღლემ დაარსა ამ ტერიტორიაზე ქალაქი ამ სახელწოდებით.
სალონიკის (თესალონიკის) მდებარეობა ყოველთვის მიმზიდველი იყო ბიზანტიელთათვის, რომალებისთვის და სხვა იმპერიებისთვის. სწორედ ამიტომ ხშირად ხდებოდა ბრძოლის მიზეზი და ხელიდან ხელში გადადიოდა.
სალონიკში სტუმრობას თუ გადაწყვეტთ, აქაური მუზეუმებისა და ისტორიული ძეგლების დათვალიერება აუცილებლად უნდა მოხვდეს თქვენს ტოპ ათეულში.
ეველინმა საოცარი გამბედაობა გამოიჩინა ტურში. დღეში გადიოდა 7-8 კილომეტრს ფეხით.
მინდა რამდენიმე ადამიანს გადავუხადო მადლობა. უპირველესად ჩემს მეგობრებს და პარტნიორებს ტურისტულ ორგანიზაციებს „თრეველ თუ ჯორჯიასა“ და „ენთრეველს“. რა კარგია რომ არ ვცდები მეგობრებში, Nanita ზაუტაშვილმა სასტუმრო მიყიდა, ხოლო Lasha ბერეკაშვილმა თვითმფრინავის ბილეთები. ჩემმა Kakhi მაჭავარიანმა კი ტრანსფერი ითავა მის მხრებზე, რითაც კიდევ ერთი არნახული მაგალითი მიჩვენეს მეგობრობის. ოღონდ ეს ყველაფერი ჩემმა მეგობრებმა გააკეთეს სიურპრიზად, არც მითხოვია. ან როგორ ვთხოვდი…
ასევე მადლობელი ვარ ყველა იმ ქართველის, რომელიც სალონიკში ცხოვრობს. ქუჩაში შემთხვევით შეხვედრისას ყველას უნდოდა რაღაც პატივი ეცა. მე დროის სიმცირის გამო ვერცერთის მოპატიჟება ვერ მივიღე, მაგრამ ისეთი გულიანები იყვნენ, უნდა ჩათვალონ რომ უკვე ვიყავი მათთან.
მოკლედ სალონიკი არის მშვიდი, სუფთა და ძალიან მაგარი ქალაქი!”