“რით უნდა ანუგეშო გამწარებული დედა…” – ავარიის შედეგად დაღუპულ ბიჭს ემოციურად ემშვიდობებიან

საშინელი კადრები გორის ავტობანიდან, სადაც ავტოკატასტროფას 3 ადამიანი ემსხვერპლა.

ავტოსაგზაო შემთხვევა მოხდა რუისთთან, ავტომაგისტრალზე.

არსებული ინფორმაციით, ერთმანეთს მიკროავტობუსი და მსუბუქი ავტომანქანა შეეჯა, გარდაიცვალა სამი ადამიანი.

რუსის მონაკვეთზე მომხდარი ავტოსაგზაო შემთხვევის შედეგად გარდაცვლილი 22 წლის თენგო ლუკაშვილია. იგი გორის მუნიციპალიტეტის სოფელ ხიდისთავიდან იყო.

ახალგაზრდა მამაკაცი წლების განმავლობაში ემიგრაციაში იყო და სწორედ საზღვარგარეთიდან დაბრუნების შემდეგ, ნაყიდი ავტომობილით მოძრაობდა.

ახალგაზრდა ბიჭს ემოციურად ემშვიდობებიან:

“ძალიან კარგი დედის ძალიან კარგი შვილი , ჩვენი სკოლის ჭკვიანი, თავაზიანი, ზრდილობიანი ნამოწაფარი… ჩემი სადამრიგებლო კლასის პარალალურში სწავლობდა… ყოველთვის სიდინჯით გამოირჩეოდა… რა უნდა თქვა და რით უნდა ანუგეშო გამწარებული დედა… სიტყვები უძლური ხდება და ცხოვრება უფერული როცა დედას შვილი უკვდება… უფალმა დაგიმკვიდროს სასუფეველი თენგო, უზომოდ დაგვენანე 🥲”