დღეს, 2019 წელს ლაგოდეხში ექსკურსიაზე ტრაგიკულად დაღუპული სოფი ნიკოლეიშვილის დაბადების დღეა, გოგონა 20 წლის გახდებოდა. სოფის დაბადების დღეს სოციალურ ქსელში დედა ლანა ბერძენიშვილი ემოციური პოსტით ეხმაურება:
„ჩემო ციმციმა სკვინჩა_ სოფია!
როგორ ბედნიერი ხვდებოდი ყოველ 29 იანვარს დეო…
უშენოდ მოდის და მიდის ყოველი დღე…
გონებაში უკვე რამდენჯერ წარმოგიდგინე, რა ათას გიჟურ გეგმას დააწყობდი ამ დღისთვის. დღეს უკვე დიდი გოგო მეყოლებოდი.
ალბათ სადმე უჩემოდ, უუფროსებოდ მოისურვებდი შენს მეგობრებთან ერთად, იმ მეგობრებთანაც, ამ თითქმის ოთხი წლის მანძილზე რომ გაიჩენდი, აღნიშვნას. ყველაზე მეტად, შენი დაბადების დღე და ახალი წელი გიყვარდა შვილო.
დღეს ორივეს დღეა. შენი და სალოს. შენ დაიბადე სალომეობას. თუმცა უფრო შენი დაბადების დღედ აღვნიშნავდით ყოველთვის. ისევ აღვნიშნავთ უშენოდ ჩემო პაწაწინა ქალო, მაგრამ აზრი?!
ჩემო სულ 16 წლის ნაბოლარავ, ყველაზე და ყველაფერზე საყვარელო და სატკენო შვილო, ნეტა ახლა ზურგს უკან თუ არ მიდგახარ და ჩუმად არ კითხულობ ამას, რასაც ახლა ვწერ…სულ შენი ზარი მელანდება დეო ,,დეეე, მშია და რა გვაქვს საჭმელი?!,,
ახლა კი ვტირი დეო, მაგრამ შენთან რომ მოვალ, არ ვიტირებ. იქ თითქმის არ ვტირი უკვე. მამშვიდებ ისევ შენ ჩემო სკვიინჩ,“ – წერს ლანა ნიკოლეიშვილი.
