თუშეთში მომხდარი ტრაგიკული ავარიის დროს დაშავებული 3 ადამიანის, ხატია დევსურაშვილის, თამარ არღვლიანის და ნატა თხელიძის ჯანმრთელობის მდგომარეობა გაუმჯობესდა და აპარატიდან მოხსნეს.
თბილისის პირველი საუნივერსიტეტო კლინიკის სამედიცინო დირექტორმა ლალი ტურძელაძემ განაცხადა, რომ პაციენტები კონტაქტურები და ადეკვატურები არიან. ამის შესახებ ინფორმაციას “ფორმულა” ავრცელებს.
“რეანიმაციაში რჩებიან, მაგრამ მათი მდგომარეობა გაუმჯობესდა. აპარატიდან მოვხსენით. უკეთესია მათი მდგომარეობა, კონტაქტურები და ადეკვატურები არიან. მხოლოდ 2 მათგანია დამხმარე ვენტილაციაზე დატოვებული”, – განაცხადა ლალი ტურძელაძემ.
ცნობისთვის, 23 აგვისტოს, შატილის გზაზე ავარიას 17 ადამიანი ემსხვერპლა, 3 კი მძიმედ დაშავდა. სამგზავრო მიკროავტობუსი დაახლოებით 80 მეტრის სიმაღლიდან კლდოვან ფერდობზე გადავარდა. მომხდარ ფაქტზე გამოძიება საქართველოს სსკ-ის 276-ე მუხლით დაიწყო.