პატიმარ გიორგი დავითაძის დედა საკუთარი შვილის სიცოცხლეზე და ჯანმრთელობაზე პასუხისმგებლობას სრულიად მთავრობა აკისრებს.
როგორც ირმა დავითაძემ გადაცემა “რეაქციაში“ განაცხადა, მის შვილს თმის ერთი ღერიც რომ ჩამოუვარდეს, პასუხს აგებენ, სალიაც, კობახიძეც და პატარიძეც.
ის ითხოვს, სასწრაფოდ გადაიყვანონ მისი შვილი სასჯელაღსრულების სხვა დაწესებულებაში, რათა გაარიდონ იმ ბადრაგებს, რომლებმაც მის შვილზე იძალადეს და მისი თქმით, დღემდე ფსიქოლოგიურად ძალადობენ.
გიორგის ჯანმრთელობაზე და სიცოცხლეზე პასუხს აგებს სრულიად ეს მთავრობა. გიორგის ერთი თმის ღერი ჩამოუვარდება ციხეში და პასუხისმგებლობა სალიას, კობახიძეს, პატარიძეს და ამ მთავრობას დაეკისრება. მოვითხოვ კიდევ ერთხელ, დაუყოვნებლივ იქნეს გადაყვანილი გიორგი, რადგან იმ ჯალათებთან, რომლებიც არიან მხილებულნი ისსტემურ დანაშაულში, არ მაქვს იმედი, რომ ჩემ შვილს რამეს არ დამართებენ. თუ ბადრაგები, თუ არ ვიცი, შემდგომ შესაძლოა, იმაზეც წავიდნენ, რომ ვინმე პატიმარი მიუგზავნონ, მე დარწმუნებული ვარ, რომ იქ ღირსეული ადამიანები სხედან და ისინი გვერდში დუდგნენ გიორგის, გააპროტესტეს ეს ყველაფერი, ეს სრულიად საქართველომ ნახა, როგორ ინგრეოდა მე-6 პენიტენციური დაწესებულება და ამაზეც აღარ იციან, რა ქნან. კიდევ ერთხელ მოვითხოვ, სასწრაფოდ გადაყვანილი იქნას გიორგი სხვა ციხეში, ვინაიდან, არ ვენდობი ამ მოძალადე, ავადმყოფ, მამათმავალ ბადრაგებს.ჺსევე, მოვუწოდებ სახალხო დამცველს და ადვოკატებს, პარტიებსაც ყველას, რომ ყველამ დაიცვას ის პატიმრები, რომლებიც არინ სასტიკად ნაცემები და გადაყრილები სხვადასხვა ციხეში. ისინი არიან ზეწოლის ქვეშ, აშინებენ და აყენებენ ფიზიკურ და სიტყვიერ შეურაცყოფას, – განაცხადა ირმა დავითაძემ.