ამ დრომდე უშედეგოდ ეძებენ რამდენიმე თვის წინ სამეგრელოში დაკარგულ 22 წლის ბიჭს, ჯანო ჯიქიას.
„#ვეძებ!!!
მეგობრებო, ვიცი შეგაწუხეთ და დაგღალეთ უკვე, მაგრამ გთხოვთ კიდევ ერთხელ, ყველამ გააზიარეთ ნებისმიერ ჯგუფში, ვისაც სადმე ხელი მიგიწვდებათ .
როგორც უკვე იცით, 2022 წლის 24 ოქტომბრიდან ვეძებ ბიძაშვილს.
ბიჭს, რომელიც სახლიდან გავიდა და ამ დრომდე არ დაბრუნებულა. რაღაც პერიოდის განმავლობაში მოდიოდა ინფორმაციები რომ შეამჩნიეს, თუმცა, 100%ით ვერ ვადასტურებთ, სამწუხაროდ. რადგან სხვადასხვა რეგიონებიდან მოდის ხმები ( რასაც 3-5 დღის მერე ვიგებთ, ინფორმაციის არ ქონის გამო) , გვინდა რომ ქვეყნის მასშტაბით, ყველა ქალაქსა თუ სოფლებში გავრცელდეს, რომ იძებნება 23 წლამდე ბიჭი, გამხდარი, ბეჭებში ოდნავ მოხრილი,190-მდე სიმაღლის, შავი თმით და წვერით (დროიდან გამომდინარე უკვე ძალიან მოზრდილი წვერი და თმა ექნება, რაც უფრო ართულებს ამოცნობას). დაზუსტებით ვეღარ ვიტყვით რა შეიძლება ეცვას.
გთხოვთ ქუჩებში სიარულის დროს იყოთ ძალიან ყურადღებით, მიტოვებულ ადგილებში, ნასახლარებთან, ეკლესიებთან, ტბის-ტყის პირას, ხიდებთან და ა.შ თუ შეამჩნევთ მსგავსი აღწერილობის უცხო პირს, საეჭვო მდგომარეობაში, გვაცნობეთ ნომერზე : 597 775471 ; 555 695354
ან დაუკავშირდით პოლიციას.
შეძლებისდაგვარად გადაუღეთ ფოტო, ვიდეო, ტყუილად რომ არ ავფორიაქდეთ“ , – წერს სოციალურ ქსელში დაკარგულის ახლობელი, ნინი კვარაცხელია.
