შატილის გზაზე მომხდარი ავტოსაგზაო შემთხვევის შედეგად დაშავებულთა ჯანმრთელობის მდგომარეობა გაუმჯობესდა. ამის შესახებ განცხადებას პირველ საუნივერსიტეტო კლინიკა აკეთებს. საავადმყოფოს კლინიკური დირექტორის, ლალი ტურძელაძის განცხადებით, სამივე პაციენტთან დადებითი დინამიკა აღინიშნება.
“სამივე პაციენტი უკეთესად არის, ერთი დაშავებულის მდგომარეობა შედარებით მძიმეა, თუმცა მათი მდგომარეობა გაუმჯობესებულია. ისინი უკვე კონტაქტურები არიან, თუმცა ორი უფრო მეტად. გართულება არ ფიქსირდება, შესაბამისად, ვთვლით, რომ ეს უკეთესი მდგომარეობაა” – განაცხადა ლალი ტურძელაძემ.
ცნობისთვის, 23 აგვისტოს, შატილის გზაზე, სოფელ ბისოს სიახლოვეს, მიკროავტობუსი 80 მეტრის სიმაღლიდან კლდოვან ფერდობზე გადავარდა.
ავტოსაგზაო შემთხვევას 17 ადამიანი ემსხვერპლა. სამი ადამიანი მძიმედ დაშავდა.
ხატია დევსურაშვილი, თამარ არღვლიანი და ნატა თხელიძე თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში მკურნალობენ.