„37 წლის ასაკში მქონდა ყველაზე დიდი დეპრესია. სრულიად დარწმუნებული ვიყავი, რომ ცხოვრება, როგორც ქალმა დავასრულე.. 5 წლის შემდეგ კი..” – ნახეთ ნანუკა ჟორჟოლიანის ემოციური განცხადება
ნანუკა ჟორჟოლიანი ამბობს, რომ 37 წლის ასაკში, როდესაც ფიქრობდა, რომ მისი ცხოვრება დასრულდა, ვერც კი წარმოიდგენდა, რომ 5 წელიწადში ყველაფერი რადიკალურად შეიცვლებოდა.
„37 წლის ასაკში მქონდა ყველაზე დიდი დეპრესია. სრულიად დარწმუნებული ვიყავი, რომ ცხოვრება, როგორც ქალმა დავასრულე. მახსოვს ჩემი პირველი შეხვედრა ნათია ფანჯიკიძესთან, როგორ ვარწმუნებდი, რომ ხვალინდელი დღე არ არსებობდა“, – წერს ნანუკა ჟორჟოლიანი.
ტელეწამყვანი რამდენიმე წლის წინანდელი მდგომარეობის დღევანდელთან შედარებისას ამბობს, რომ „დღეს ისე უყვარს ნანუკა, როგორც არასდროს“.
„დღეს ისე მიყვარს ნანუკა, როგორც არასდროს და ისე მომწონს, როგორც არასდროს. ყველაზე მძიმე დღეებიდან 5 წლის შემდეგ მოვახერხე, საკუთარი თავის ყველაზე კარგი ვერსია შემექმნა და როცა ამას ვამბობ, პირველ რიგში, ჩემს შინაგან მდგომარეობას ვგულისხმობ.
ნანუკა 37 წლის ასაკში ვერც კი წარმოიდგენდა, რომ 5 წლის შემდეგ ამას იტყოდა. ამიტომ რაც არ უნდა სიგიჟედ გეჩვენებოდეთ, იცოდეთ, მთავარი ეტაპი წინ გაქვთ.
რაც უფრო მეტად გგონიათ, რომ ცხოვრება დასრულდა, მით უფრო მეტად უნდა გჯეროდეთ, რომ სინამდვილეში ყველაფერი ახლა იწყება.“- წერს ნანუკა ჟორჟოლიანი.