“ფლაერებიც დამირიგებია, მიმტანობაც მიცდია” – გაჭირვების რა გზა გამოიარეს თათამ და ბაბიმ, სანამ ცნობილი მომღერლები გახდებოდნენ

ბაბი კირკიტაძემ და თათა გიორგობიანმა გადაცემაში “სიკეთე მარტივია” საკუთარი ცხოვრების შესახებ ისაუბრეს.

ბაბიმ თქვა, რომ წარმატების მიღწევამდე ბევრი იშრომა.

“საკმაოდ, პატარა ვიყავი, 18 წლის, როცა რესტორანში ვმღეროდი, ფლაერებიც დამირიგებია ქუჩაში, ამაში არაფერია სათაკილო. მიმტანობაც მიცდია, მიმუშავია. რესტორნის მენეჯერიც ვყოფილვარ. ამასობაში, 18 წლიდან რესტორანში სიმღერაც დავიწყე. იმაზეც მომიწია ფიქრი, რომ ყოველი თვის ბოლოს ქირა იყო გადასახდელი და ერთ-ერთი პასუხისმგებელი პირი ამაზე მეც ვიყავი.

მერე ფეისბუქზე ვნახე განცხადება, რომ ეძებენ გოგონას შოუსთვის, ბოლოში ეწერა, რომ სასურველია ჰქონდეს სიმღერის ნიჭიც. ამ ფრაზის გამო გადავწყვიტე მეცადა ბედი”, – ამბობს ბააბი.

აღსანიშნავია, რომ თათასაც დაახლოებით მსგავსი ისტორია აქვს.

“ჩემი და ბაბის ისტორიები მსგავსია. ბაბიც დამოუკიდებელი, მებრძოლი გოგონაა და მეც, თამამად შემიძლია ვთქვა, რომ ასეთი ვარ იქიდან გამომდინარე, რაც გავლილი მაქვს. ჩემს შემთხვევაში მეტი სირთულე ის იყო, რომ 1 წლის ვიყავი, როდესაც დედა და მამა დაშორდნენ, მამას რაღაცნაირად კი ჰქონდა ჩემთან კონტაქტი, მაგრამ ძლიერი ზურგის აღქმა მაკლდა.

ვცდილობდი, ორმაგად ძლიერი და მაგარი ვყოფილიყავი, რათა არავის ეთქვა, რომ ეს ბავშვი უმამოდ გაიზარდა. მე არ მინდოდა დედას შენიშვნა მიეღო… 15 წლიდან ბავშვებს ვამზადებდი ინგლისურში, ასევე, ფლაერებს ვარიგებდი, მიმტანადაც მიმუშავია, ვიყავი პრომო გოგონაც, გაყიდვების მენეჯერი, საბავშვო ბაღში აღმზრდელადაც მიმუშავია, ბევრ პროფესიაში მოვსინჯე საკუთარი თავი”, – ამბობს თათა გიორგობიანი.