ცოტა ხნის წინ ხანძარი იყო ქუთაისში. ტაბიძის ქუჩაზე, სასტუმრო “აიეტის” სახურავზე ცეცხლი გაჩნდა. როგორც ცნობილია, ხანძარი სხვენში მომხდარმა ე.წ. მოკლე ჩართვამ გამოიწვია.
საგანგებო სიტუაციების მართვის სამსახურმა და სამართალდამცველებმა სასტუმროს შენობიდან იქ მყოფი პირები გამოიყვანეს.
ადგილზე საგანგებო სამსახურის წარმომადგენლები იმყოფებიან. ამ დროისთვის ცეცხლი უკვე ლიკვიდირებულია.