თელავში ხანძრის დროს დაშავებული რუსთაველი, 24 წლის ოთო ლურსმანაშვილი, გარდაიცვალა.
ახალგაზრდა ბიჭის ბიძის თქმით, ოთო ლურსმანაშვილი 7 დღის განმავლობაში “ხეჩინაშვილის სახელობის კლინიკის” რეანიმაციულ განყოფილებაში სხეულის 70%-იანი დამწვრობით იყო მოთავსებული. სამწუხაროდ, მისი გადარჩენა ვეღარ მოხერხდა.
შეგახსენებთ, რომ თელავში ღვინის ერთ-ერთ ქარხანაში გაჩენილი ხანძრის დროს დაშავდა კიდევ ერთი რუსთაველი 39 წლის მამაკაცი, რომელიც კლინიკიდან უკვე სახლში გაწერეს. შემთხვევის დროს ადგილზე დაიღუპა კიდევ 2 ახალგაზრდა კაცი.