საქართველოს ეროვნული საფეხბურთო ნაკრების მთავარმა მწვრთნელმა, ვინი სანიოლმა გამოცემა „La Gazzetta dello Sport“ – ს ინტერვიუ მისცა.
სანიოლმა „ნაპოლის“ ქართველ შემტევზე, ხვიჩა კვარაცხელიაზე ისაუბრა.
“ხვიჩა კვარაცხელიას ბოლოდროინდელი შედეგები და თამაშის ხარისხი უამრავი ადამიანის ყურადღებას იპყრობს. ხვიჩას ყოველთვის ჰქონდა მაგარი შედეგები, მაგრამ თანამედროვე ფეხბურთში სტატისტიკას გამძაფრებით ითვლიან, კვარაცხელიამ კი, ამ ასპექტშიც საოცრად მოუმატა. სიმართლე გითხრათ, ხვიჩასგან წარმატებით გამოსვლას ველოდი კიდეც, თუმცა თუ ამდენს მიაღწევდა როგორც იტალიაში, ისე ჩემპიონთა ლიგაში, ამას ნამდვილად ვერ ვიფიქრებდი.
ხვიჩა კვარაცხელია ამბიციური და მიზანდასახული ბიჭია, რასაც ის როგორც მოედანზე, ასევე მის მიღმაც ავლენს. ხვიჩამ თავისი სათამაშო არსენალის ბევრი კომპონენტი და ელემენტი დააბალანსა, რათა საუკეთესო გახდეს. რეალურად, ბევრი მოთამაშე არსებობს მსოფლიოში, რომლებსაც კარგი მონაცემები აქვთ, თუმცა საუკეთესოობისთვის მაქსიმუმს არ აკეთებენ, ხვიჩა კი აქაც გამორჩეულია“ , – განაცხადა სანიოლმა.