საქართველოში ერთადერთი უვადო პატიმარი ქალის, მაგდა პაპიძის საზარელ საქმეს „პოლიციის ფაილებში“ საგამოძიებო უწყების წარმომადგენლები ყ5 წლის შემდეგ იხსენებენ და იმ დეტალებზე საუბრობენ, რომელიც მაშინ არ გაჟღერებულა.
გამომძიებლებმა დაადგინეს ვის დაურეკა მაგდა პაპიძემ იმ დროს, როცა ის მეზობლებს დახმარებას სთხოვდა და საცხოვრებელი სახლის ეზოში გარდაცვლილი ქმარ-შვილი ესვენა.
„მალევე დადგინდა რომ მაგდა პაპიძეს ჰყავდა მეგობარი მამაკაცი, რომელიც მაღაზიაში მუშაობის დროს გაიცნო, როგორც ჩანს მათ შორის ჩამოყალიბდა სასიყვარულო ურთიერთობა, პირველად მაგდა პაპიძემ სწორედ მას დაურეკა“ – ჰყვება გამომძიებელი.
მისივე თქმით, მაგდა პაპიძის მეგობარი მამაკაციც გამოიკითხა, თუმცა მას საკმაოდ მყარი ალიბი გააჩნდა და დაასახელა ადგილი, სადაც იმყოფებოდა მკვლელობის დროს.
„როცა მაგდა პაპიძეს ვუთხარი, რომ მეზობელ ოთახში მისი მეგობარი მამაკაცი იკითხებოდა, ის ანერვიულდა, წამოხტა და დაიწყო ყვირილი, რომ მეგობარი მამაკაცი არაფერ შუაში არ იყო მკვლელობასთან. რამაც კიდევ უფრო გაამძაფრა ჩვენი ეჭვი, რომ ქმარი და შვილი მაგდამ მოკლა“ – ამბობს გამომძიებელი.