“თუ თამარი არ არის ცოცხალი, მაშინ სამგანზომილებიან ფიგურებს გავაკეთებ” – რა ჩაიფიქრა ბაჩანა ლობჟანიძემ

ბაჩანა ლობჟანიძე თამარ ბაჩალიაშვილის კიბერ ვერსიის შექმნას გეგმავს – ამის შესახებ „იდუმალმა შეყვარებულმა „მთავარი არხის“ ეთერში განაცხადა. ბაჩანა ყვება, რომ თამართან ბოლო პერიოდში აქტიურად საუბრობდა რომ სამსახურიდან წამოსვლის შემდეგ შეექმნათ სივრცეს, სადაც საკუთარ იდეებს უკვე ხალხს გააცნობდნენ და მათ ფილოსოფიურ თუ რელიგიურ მრწამსს გააცნობდნენ, თუმცა თამარმა 19 ივნისს უარი უთხრა და ამ საქმეში მხოლოდ ფინანსური დახმარება დაჰპირდა.

„მე სუიციდის ვერსია არ დამიშვია, ვფიქრობ, რომ ცოცხალია ზოგადად. მაგრამ ეს ჩემი ვარაუდია. თუ თამარი არ არის ცოცხალი, (ყოფითად აღარ არის), მაშინ სამგანზომილებიან ფიგურებს გავაკეთებ… მომავლისთვის იყოს სიურპრიზად. თამარის აზრები, ემოციები, დიალოგები იქ იქნება“, – ამბობს ბაჩანა ლობჟანიძე.