დედოფლისწყაროს მუნიციპალიტეტში მცხოვრებ 11 და 14 წლის მოზარდებს პოლიცია ეძებს. ბავშვები სოფელ ხონაბუჯში მეზობლები არიან და სახლიდან გუშინ გავიდნენ.
ისინი თბილისში წასვლას ერთი-ერთი არასრულწლოვნის ბიძასთან გეგმავდნენ, რასაც თვითმხილველებიც ადასტურებენ.
დედოფლისწყაროში ისინი ბოლოს სწორედ სამარშრუტო ტაქსთან შენიშნეს.
ბავშვების კვალზე პოლიცია უკვე გავიდა, ამიტომ სამძებრო სამუშაოები ახლა თბილისის მასშტაბით მიმდინარეობს და არ არის გამორიცხული, მოზარდები სამართალდამცველებმა სახლში დღესვე დააბრუნონ.