ირაკლი ღარიბაშვილმა [სამძიმარს] სამარცხვინო ტექსტი მოაყოლა, ღარიბაშვილი პოლიტიკური ლიდერი ვერაფრით გახდა, – ამის შესახებ პარტია „მოქალაქეების“ლიდერმა ალეკო ელისაშვილმა „პალიტრანიუსის“ ეთერში განაცხადა, რითაც გამოეხმაურა პრემიერ-მინისტრ ირაკლი ღარიბაშვილის მიერ მთავრობის დღევანდელ სხდომაზე გაკეთებულ განცხადებებს.
“არგაღიზიანება გასაგებია, მაგრამ სილაჩრესა და სიმხდალეშია უკვე „ქართული ოცნება“ გადასული. არგაღიზიანება მესმის, მაგრამ რაღაც ზღვარი ხომ უნდა გეჭიროს? – ღირსება“, – განაცხადა ალეკო ელისაშვილმა.
მან ასევე ისაუბრა ირაკლი ღარიბაშვილის განცხადების იმ ნაწილზე, სადაც პრემიერმა თქვა, რომ “ჩვენ სამჯერ ვიომეთ, საკმარისია!”.
„ამიტომ უნდა ჩავბარდეთ? – სამჯერ კი არა, სამი ათასი წელია ვიბრძვით და ამიტომ რა ვქნათ ახლა, გადავყაროთ იარაღი და ვინც მოგვადგება, ყველას ჩავბარდეთ? – რა უნდა ეწყინოს და რით უნდა გააღიზიანო რუსეთი? იმით, რომ შენი ბიჭები მოგიკლეს და მათზე დარდი თქვა? – სამი წინადადება დაწერე, ამას ხომ არაფერი ამბავი არ მოჰყვებოდა, ველოდებოდი! დიახ, ამ დროს უნდა გამოაცხადო გლოვის დღე, რად უნდა ამას შეგონება და პოლიტიკის თეორიის სწავლა.
მაგრად უპასუხა არჩილ ხოფერიამ. მისი პასუხი არის ყველაზე მაგარი პასუხი, რომ შენი და სხვისი წასაყვანი რა მჭირდაო. ღარიბაშვილმა სამარცხვინო ტექსტი მოაყოლა. ღარიბაშვილი პოლიტიკური ლიდერი ვერაფრით ვერ გახდა. რაღაც დაბოღმილი აქტივისტის [როლიდან] ვერ გამოვიდა. რაზე ვლაპარაკობთ, ექვსი ქართველი მოკვდა. არავის არავინ მიჰყავს, იქ ყველა გულით მიჰყავს, ყველამ ვინც იქ არის წასული იცის, რომ იქ არის საერთო მტერი “ , – განაცხადა ალეკო ელისაშვილმა.