სერგო ჩიხლაძე საქართველოს მესამე პრეზიდენტის ჯანმრთელობის მდგომარეობაზე სტატუსს აქვეყნებს და წერს:
“პაციენტმა დაიკლო 40 კგ. დასმულია ერთდროულად 20 – მდე მძიმე დიაგნოზი. არის ყოვლად საგანგაშო ტოქსიკოლოგიური დასკვნა!
ჟურნალისტის კითხვაზე რამდენად საშიშია წონაში ასეთი მკვეთრი კლება, ექიმი პასუხობს ვერ გეტყვითო, არ ვიციო, ექსპერტიზის დასკვნა არ მიმოღიაო და გარბის.
რა ვთქვა?! ჯობია არაფერი ვთქვა. აი, ექიმობაც არაა საჭირო, ავადმყოფობის დროს, 40 კგ-ს რომ დაკარგავს პაციენტი (თან მულტიდიაგნოზის ფონზე), საგანგაშო რომ არის, რად უნდა ამას ექიმობა და დოქტორობა?!
ჩემო ზოგიერთო კოლეგავ , ის მაინც გაითვალოსწინეთ, რომ ხელებს ისევ თქვენზე შეიწმენდენ ფატალური შედეგი რომ დადგეს. დაიწყეს ისრების გადამისამართება უკვე. მერე არც რატი ბრეგაძე დაგიცავთ და არც თქვენი გაპრანჭული დირექტორი და არც არავინ დედამიწის ზურგზე. ამიტომ, კითხვებს კი არ უნდა გაექცეთ, ხმამაღლა უნდა თქვათ სათქმელი და პირველ რიგში იმოქმედეთ პაციენტის საუკეთესო ინტერესებიდან გამომდინარე. არ ავნო! ესაა მედიცინის პირველი პრინციპი! იმედია, გახსოვთ!” , – სერგო ჩიხლაძე.