პრემიერ-მინისტრის განცხადებას, რომელმაც თქვა, რომ უკრაინაში საბრძოლველად ქართველი ჯარისკაცები ომის პარტიას მიჰყავს, ომში გმირულად დაღუპული ჯაბულათ ხოფერიას მამამ უპასუხა და ირაკლი ღარიბაშვილს სიცრუეში ამხელს.
მისი თქმით, მისი შვილი ომში საკუთარი ნებით წავიდა და არაის არსად წასაყვანი არაფერი სჭირდა. ამასთან, ხოფერიას თქმით, ქვეყნის მეთაურს საკუთარ სიტყვებზე მეტი დაფიქრება მართებს.
“მე გულს უკვე ვეღარაფერი მატკენს, სიტყვაზე ვამბობ, უადგილოდ, უაზროდ ნათქვამ სიტყვაზე, უბრალოდ, ქვეყნის მმართველს მეტი დაფიქრება მართებს თითოულ სიტყვაზე…
არ მინდოდა მეთქვა, ან რა სათქმელია, უბრალოდ, იცოდეთ: ჩემი შვილი როცა ომი დაიწყო თბილ მიუნჰენში იყო, დილის 9-ზე დამირეკა და მითხრა, რომ მიდიოდა… უბრალოდ ვთხოვე, დამლოდებოდა ვარშავაში, არ დამელოდა და იმ კიევში შევიდა, რომელსაც მთელი მსოფლიო დაცემას, მის დამცველებს კი სიკვდილს უქადდა… იგი არავის წაუყვანია, ან რა გვჭირს ჩვენ ვინმეს წასაყვანი…
მას მისი კაცური მოვალეობები აწუხებდა და მისი გზა ჰქონდა, რაზეც, ვფიქრობ, პირუთვნელად იარა…/”,- წერს ჯარისკაცის მამა.
შეგახსენებთ, რომ საქართველო უკრაინაში დაღუპულ 5 ქართელ მებრძოლს გლოვობს. სწორედ მათ შორისაა ჯამბულათ ხოფერიაც.