ჟურნალისტი, ეკა კვესიტაძე სოციალურ ქსელში ექსპრეზიდენტ, მიხეილ სააკაშვილის გადარჩენის მოთხოვნით კამპანიას იწყებს.
„მიხეილ სააკაშვილი 116 კილოდან 73 კილომდე ჩამოვიდა. კლება არის შეუქცევადი და ყოველდღიური. რაც იმას ნიშნავს, რომ ყოველი დღე გვაახლოებს კატასტროფასთან. ყველამ უნდა იცოდეს, განსაკუთრებით საზოგადოებაში რაღაც წონის მქონე ადამიანებმა, კატასტროფის დადგომის შემდეგ ყველას დუმილი ახმაურდება, საშინლად ახმაურდება. ყველას კითხავენ – რამე თქვი, რამე გააკეთე, ერთი პოსტი თუ მაინც დაწერე, რომ პრეზიდენტი გადაგერჩინა. სხვებმა კი, ვინც ვაქტიურობთ, დავიწყოთ კამპანია – #გადაარჩინეპრეზიდენტი და დავთაგოთ სალომე ზურაბიშვილი / Salome Zourabichvili“, – წერს კვესიტაძე.