ჩოხატაურის მუნიციპალიტეტის სოფელ სამების მეშვიდეკლასელ მათე სეხნიაშვილს ხვიჩა კვარაცხელიასთან ფიზიკურად ბევრი ამსგავსებს – პატარა მათე ხვიჩას დიდი გულშემატკივარია.
სწორედ, ამ მსგავსების გამო მიიღო მათემ საჩუქრად ნაპოლიდან მაისური კვარას ავტოგრაფით – ამის შესახებ მან სოციალურ ქსელში დაწერა:
“ასე ჯერ არაფერი გამხარებია. კვარას დიდი გულშემატკივარი ვარ და ძალიან მიხარია, ფიზიკურად თუ მართლა ასე ძალიან ვგავარ.
მადლობა, კვარა. ვოცნებობ, ნაპოლში ჩამოვიდე და ახლოდან გიგულშემატკივრო”, _ ამბობს მათე.