„ვლადიმერ პუტინი რუსეთის პრეზიდენტად სამუდამოდ უნდა ავირჩიოთ“,- ამის შესახებ ჩეჩნეთის რესპუბლიკის ლიდერმა, რამზან კადიროვმა განაცხადა. ინფორმაციას ura.news-ი ავრცელებს.
„ვლადიმერ პუტინი რუსეთის პრეზიდენტად სამუდამოდ უნდა ავირჩიოთ. მას ვერავი შეცვლის. გლობალური მასშტაბით მისნაური პოლიტიკური ლიდერი არ არსებობს. ჩვენ ამით უნდა ვიამაყოთ“,- ამბობს კადიროვი.
მისი თქმით, თანამედროვე ჩეჩნეთი, პუტინის წყალობით, არის საუკეთესო რამ, რაც ამ რესპუბლიკის ისტორიაში მომხდარა. კადიროვმა ჩეჩენ ხალხს კონსტიტუციაში შესატან ცვლილებებისთვის მხარდაჭერისკენ მოუწოდა.
შეგახსენებთ, რომ რუსეთში საყოველთაო კენჭისყრა გაიმართება 25 ივნისიდან 1 ივლისის ჩათვლით -კონსტიტუციაში შემოთავაზებული ცვლილებების შეტანის შესახებ, მათ შორის იმ ცვლილების შეტანის თაობაზე, რომლის თანახმადაც პუტინს 2024 წელს პრეზიდენტობის ვადის დასრულების შემდეგ, შეუძლია ამავე თანამდებობაზე ახალი ვადით კენჭი კვლავ იყაროს.