თბილისში, გვიან ღამით ერთი ადამიანი მოკლეს – გავრცელებული ინფორმაციით, მოკლულია 36 წლამდე ქალი.
ქალი და მამაკაცი ქირით, ერთმანეთის გვერდით იტალიურ ეზოში ცხოვრობდნენ, დაპირისპირება მათ შორის სავარაუდოდ, ეჭვიანობის ნიადაგზე მოხდა და არაფხიზელ მდგომარეობაში მყოფმა 22 წლის მამაკაცმა, ქალს ცივი იარაღით რამდენიმე ჭრილობა მიაყენა.
ქალი ადგილზე გარდაიცვალა, ბიჭი კი მიიმალა.
პოლიციამ ბრალდებულის დაკავება ცხელ კვალზე, რამდენიმე საათში მოახერხა. მამაკაცს ბრალს სავარაუდოდ დღის ბოლოს წაუყენებენ, ბრალის დამტკიცების შემთხვევაში კი მას 16 წლამდე პატიმრობა ემუქრება.
შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 2000 წელს დაბადებული ს.ა. განზრახ მკვლელობის ბრალდებით დააკავეს.
დანაშაული 10-დან 15 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა თბილისში, ნაქირავებ ბინაში, ურთიერთშელაპარაკების ნიადაგზე, ცივი იარაღის გამოყენებით სხეულზე რამდენიმე ჭრილობა მიაყენა ახლად გაცნობილ ქალს – 1986 წელს დაბადებულ შ.ღ.-ს, რომელიც შემთხვევის ადგილზევე გარდაიცვალა.
სამართალდამცველებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ს.ა. მომხდარიდან მალევე, თბილისში დააკავეს. განზრახ მკვლელობის ფაქტზე გამოძიება საქართველოს სსკ-ის 108-ე მუხლით მიმდინარეობს“,- ნათქვამია განცხადებაში.