მომღერალმა ბარბარე სამხარაძემ ჯანსაღი კვებითა და დიეტით საოცარ შედეგს მიაღწია. პროექტ „ნიჭიერის“ გამარჯვებულმა15 კილოგრამი დაიკლო და მალე 30 კილოგრამის დაკლებას აპირებს.
მომღერალი ჟურნალ „თბილისელებთან“ ყვება, რომ მოდელმა ლიკა ქორქიამ გააცნო დიეტოლოგი ლიკა ჩახვაშვილი, რომელმაც ჰკითხა, უნდოდა თუ არა ზედმეტი კილოგრამების დაკლება, რაზეც ადრე უარს ამბობდა, ახლა კი მიხვდა, რომ ახალი ცხოვრებისთვის მზადაა.
„მინდა, ახალი ბარბარა უთქმელად დაინახონ და თქვან: ვა, რა მაგარია! ჯერ 15 კილო მაქვს დაკლებული, შემოდგომაზე უკვე 30 კილო მექნება და მერე ვნახოთ. ასე რომ, სულ მალე ერთ-ნახევარ ადამიანს ჩამოვიცილებ ჩემი სხეულიდან. არაერთხელ დამიწყია დიეტა, დამიწერია სოციალურ ქსელში: არიქა, დიეტა დავიწყე-მეთქი და მეორე დღეს დამირღვევია. ახლა კი ვთქვი: არ ვილაპარაკებ და პირდაპირ შედეგს დავდებ!“ – აცხადებს მომღერალი
