ნეაპოლში, ხვიჩა კვარაცხელიას სახლი გაძარცვეს – ინფორმაციას იტალიური გამოცემა Corriere dello Sport ავრცელებს. გამოცემა წერს, რომ მძარცველებმა მოიპარეს ქართველი ფეხბურთელის მანქანა „მინი კუპერ ქანთრიმენი“.
Corriere dello Sport-ის ცნობით, სპორტსმენი შემთხვევის დროს შინ იმყოფებოდა, თუმცა ვერაფერი შეამჩნია.
გამოცემა აღნიშნავს, რომ კვარაცხელიამ განცხადება ქურდობის შესახებ პოლიციის განყოფილებაში უკვე დაწერა, მოგვიანებით კი გუნდთან ერთად ვარჯიშზეც იმყოფებოდა.