საქართველოს პირველი პრეზიდენტის შვილი, კოსტანტინე გამსახურდია სამწუხარო ინფორმაციას ავრცელებს. მისი თქმით, გაზეთი „თავისუფალი საქართველოს“ და შემდგომ „საქართველოს რესპუბლიკის“ მთავარი რედაქტორი, მარიკა აბაიშვილი გარდაიცვალა.
„მარიკა აბაიშვილი, გაზეთი „თავისუფალი საქართველოს“ და შემდგომ „საქართველოს რესპუბლიკის“ მთავარი რედაქტორი, სამხედრო-კრიმინალური გადატრიალების შემდეგ კანონიერების აღდგენის და წინააღმდეგობის მოძრაობის აქტიური მონაწილე. თანამებრძოლი და მეგობარი.ვუსამძიმრებ ეროვნული მოძრაობის და ხელისუფლების ყველა მომხრეს და გულშემატკივარს ჭკვიანი, მაღალი ინტელექტით დაჯილდოებული, სამშობლოზე ზრუნვით დამაშვრალი, საქმის ერთგული მარიკას გარდაცვალებას. განუსვენოს უფალმა.“ – წერს კოსტანტინე გამსახურდია სოციალურ ქსელში.