ბრაზილიაში გამართულ საპრეზიდენტო არჩევნებში ლუის ინასიო ლულას გამარჯვების შემდეგ, პრეზიდენტის, ჟაირ ბოლსონაროს მომხრე მძღოლებმა მთელ ქვეყანაში გზა გადაკეტეს და საპროტესტო აქცია გამართეს.
სატვირთოს მძღოლებმა გზების გადაკეტვა შედეგების გამოცხადებიდან მალევე დაიწყეს. 31 ოქტომბერს ფედერალურმა საგზაო პოლიციამ 342 მსგავსი ინციდენტი გამოავლინა. აქციების ყველაზე დიდი საპროტესტო ტალღა ბრაზილიის სამხრეთ ნაწილში მიმდინარეობს.
სატვირთოს მძღოლთა დიდი ნაწილი ბოლსონაროს მმართველობის დროს საწვავის დაბალი ხარჯებით სარგებლობდა.
31 ოქტომბერს უზენაესმა საარჩევნო სასამართლომ ლულა, 50.9%-ით, მომავალ პრეზიდენტად გამოაცხადა. მოქმედი პრეზიდენტი არც დამარცხებას აღიარებს და არც არჩევნების შედეგებს უარყოფს. ექსპერტების მოსაზრებით, ბოლსონარომ შესაძლოა გაართულოს ორთვიანი გარდამავალი პერიოდი, სანამ ლულა 2023 წლის 1 იანვარს ფიცს დადებს.
აშშ-ის პრეზიდენტმა, ჯო ბაიდენმა, ლულას “თავისუფალ, სამართლიან და სანდო არჩევნებში” გამარჯვება მიულოცა.
ლულამ რამდენიმე თვის წინ გაკეთებულ განცხადებაში აღნიშნა, რომ უკრაინის ომში ზელენსკისა და პუტინს თანაბარი პასუხისმგებლობა ეკისრებათ.
ლულას გამარჯვება ლათინო ამერიკაში აძლიერებს ვარდისფერ ტალღას (მემარცხენე მმართველების ზრდას).